Manifesto
- transporte público debe desempeñar un papel máis relevante nas viaxes nacionais e internacionais en toda Europa; é especialmente importante para a rexeneración rexional, pola súa contribución á cohesión social, á mellora do medio ambiente, ao aforro de emisións e de enerxía, e á seguridade no transporte.
- As tarifas, o sistema de billetaxe e as políticas financeiras deberían fomentar activamente o uso do ferrocarril e dos outros modos de transporte público.
- Deben gozar de prioridade as opcións de transporte público respectuosas co medio ambiente.
- As viaxes débense poder realizar con bos transbordos sempre que sexa posible, con conexións fáciles e garantidas, ou con alternativas razoables no caso que xurdan problemas.
- A compra de billetes debe ser simple, con reservas de asento ou de praza en coche- cama, e deben poderse realizar en calquera país e desde calquera lugar. Os billetes e as reservas deberían poderse formalizar a través dun amplo e diverso sistema de puntos de venda.
- A información débese conseguir facilmente e ten que ser de fácil comprensión, tanto nos servicios nacionais como nos internacionais; polo menos debe ser tan fácil de conseguir e de comprender como hoxe éo para as viaxes que se fan en automóbil.
- Os pasaxeiros han ser axeitadamente consultados polos operadores no momento de planificar os servicios e as instalacións de transporte.
- dereito básico á indemnización e á compensación hase de harmonizar en toda Europa e débese aplicar sobre todas as formas de transporte público.
- Débese alentar aos operadores a cooperar entre eles dunha maneira máis eficaz para promover as viaxes internacionais de longa distancia en ferrocarril, de xeito que ofreza unha alternativa atractiva ás viaxes en avión.
- transporte público ten que ser accesible a todos os sectores da sociedade.
- As viaxes transfronteirizas de curta distancia débense poder facer facilmente e cun nivel de prezos realista.
- Os servicios en tren, autobús, avión e os servicios marítimos ou fluviais débense integrar axeitadamente. Deben producirse melloras, ademais, nas ligazóns cos principais aeroportos e portos marítimos a través do ferrocarril e o autobús, e, sempre que sexa posible, con sistemas de billetes integrados.
- As liñas internacionais e nacionais de ferrocarril de alta velocidade deben seguir desenvolvéndose, pero non a custa do progreso do resto de sistemas de transporte.
- acceso aos servicios de longa distancia de tren e de autobús, a través dos sistemas locais de transporte público, debe ser fácil e debe dispoñer de ligazóns eficaces.
- As vantaxes logradas na seguridade do transporte público débense preservar e mellorar.